2021-nji ýylyň ahyryna çenli futbolda bäş oýunça çenli çalşyrmaga rugsat berildi

  • 17.12.2020 16:51
  • 4.8k+

Halkara futbol assosiasiýalarynyň geňeşi (IFAB) oýunlarda oýunçylary çalyşmagyň sanyny üçden bäşe çenli köpeltmek baradaky wagtlaýyn düzgünini 2021-nji ýylyň ahyryna çenli uzaltdy. Bu barada Halkara futbol federasiýasynyň (FIFA) metbugat gullugy habar berýär diýip, TASS belläp geçýär.

Çarşenbe güni wideo maslahat görnüşinde IFAB-yň ýygnagy geçirildi. Ýygnaga gatnaşyjylar klub derejesindäki ýaryşlarda bäş oýunçy çalşygyny tassyklamakdan başga-da, FIFA-nyň howandarlygyndaky halkara oýunlarda hem bu düzgüni 2022-nji ýylyň ahyryna çenli uzaltdylar. Şeýle çäre koronawirus pandemiýasynyň futbola edýän täsiri bilen baglanyşyklydyr.
Mundan başga-da, IFAB oýunçyda beýni sarsgyny hakyky bolan ýa-da güman edilen ýagdaýynda goşmaça oýunçy çalyşmak teklibini goldady. Bu düzgün toparlara ähli orun çalşygy peýdalanylan bolsa hem, meýdançadaky oýunçynyň kellesine şikes ýeten halatynda goşmaça oýunçy çalyşmaga mümkinçilik berer. Orny çalşylan oýunçyda beýni sarsgyny ýüze çykarylmasa-da, ol bu oýunda meýdança dolanyp bilmez.
IFAB-yň indiki ýygnagy 2021-nji ýylyň martynda wideo maslahat görnüşinde geçiriler.
Bäş gezek çalyşmak düzgüni Ýewropanyň milli çempionatlarynda koronawirus pandemiýasy sebäpli ýüze çykan arakesmeden soň ýaryşlar gaýtadan dikeldilende girizildi. Mundan ozal onuň hereketi Ýewropanyň futbol assosiasiýalary bileleşigi tarapyndan 2020/21 möwsümiň ahyryna çenli uzaldyldy.

şu gün 09:22
3.5k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

düýn 23:57
3.3k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

düýn 23:17
3.6k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 13:28
6.3k+

Gresiýadaky Olimpiýada 2026-njy ýylyň Gyşky Olimpiýa oýunlarynyň alawy ýakyldy

Gresiýanyň gadymy Olimpiýa şäherinde 2026-njy ýylyň Gyşky oýunlarynyň öňüsyrasynda Olimpiýa alawyny ýakmak dabarasy geçirildi. 2026-njy ýylyň Olimpiýa oýunlary 6-njy fewraldan 22-nji fewrala çenli Milanda we Kortina-d'Ampessoda (Cortina d'Ampezzo) geçiriler...