2021-nji ýylda Klublaýyn dünýä çempionaty Ýaponiýa geçiriler

2021-nji ýylda Klublaýyn dünýä çempionaty Ýaponiýa geçiriler

FIFA-nyň prezidenti Janni Infantino 2021-nji ýyldaky klublaýyn dünýä çempionatynyň geçiriljek ýerini we senesini kesgitledi. Bu barada news.sportbox.ru habar berýär.

"Biz klublaýyn dünýä çempionatyny häzirki görnüşinde 2021-nji ýylyň dekabr aýynda Ýaponiýada geçirmegi makul bildik. Bu ýurduň ýaryşy gurnamakda baý taryhy bar” – diýip, Infantino aýtdy.

Ozal turnir 2021-nji ýylyň tomsunda Hytaýda täze görnüşde geçiriler diýlip meýilleşdirilýärdi. Gatnaşyjylaryň sanynyň 24 kluba çenli artdyrylmagyna garaşylýar. Şol bir wagtyň özünde turnir her dört ýyldan bir gezek geçirilmeli we Konfederasiýa Kubogynyň ornuny tutmaly.
Belläp geçsek, turniriň häzirki görnüşi alty konfederasiýanyň her birinden iň güýçli klublaryň we kabul edýän ýurduň çempionynyň gatnaşmagyny göz öňünde tutýar.
Noýabr aýynyň ortalarynda Halkara futbol federasiýasy Katarda klublaýyn dünýä çempionatynyň 2021-nji ýylyň 1-11-nji fewralynda geçiriljekdigini habar berdi. Turnir koronawirus pandemiýasy sebäpli yza süýşürildi. Ýaryşlar 2020-nji ýylyň dekabr aýynda geçiriler diýlip meýilleşdirilipdi.