Eýranda COVID-19-a garşy göreşmek üçin täze nesil sanjymlary döredilýär

Eýranda COVID-19-a garşy göreşmek üçin täze nesil sanjymlary döredilýär

COVID-19 koronawirus ýokanjy bilen göreşmek üçin eýranly alymlar täze nesliň sanjymlaryny döretmäge synanyşýarlar. Bu barada Koronawirus (COVID-19) bilen göreşmek boýunça ylmy komitetiň ýolbaşçysy Mostafa Ganei habar berdi. Muny IRNA habarlar agentligine salgylanmak bilen Trend ýetirýär.

“Eýranyň birnäçe kompaniýasy häzirki wagtda MRNA hökmünde belli bolan täze nesliň sanjymlaryny döretmegiň üstünde işleýärler” – diýip, Ganei aýtdy.

Onuň aýtmagyna görä, ABŞ-nyň Tährana garşy bir taraplaýyn sanksiýalary sebäpli, Eýran COVID-19-a garşy sanjymlary taýýarlamakda birnäçe kynçylyklara duçar bolýar, ýöne eýran alymlary sanjymy taýýarlamaga eýýäm başladylar.
Häzirki wagtda Eýranyň 6 kompaniýasy sanjymlary taýýarlamaga girişdi, ýöne olaryň sanjymlary heniz kliniki synaglardan geçirilmedi.
MRNA sanjymlary hökmünde belli bolan täze nesliň sanjymlary bäsdeşlerinden birnäçe ädim öňe gidip, eýýäm başlangyç synaglardan geçdiler.