Hytaýda döwlet işgärleriniň aýlyklarynyň bir bölegini sanly ýuanda (RMB) tölemek boýunça synag meýilnamasy işe girizildi. Bu barada Hytaýyň "cnTechPost" IT habarlar portalyna salgylanyp, rossaprimavera.ru ýetirýär.
Bu maksatnama “Halk Bank” tarapyndan RMB-ni çäkli synag etmegiň çäklerinde badalga berildi. RMB-niň synagy Suçžoudan başga-da, Şençžende, Çenduda we Sýungan şäherinde geçirilýär. Bu ýerde esasy maksat, 2022-nji ýyldaky gyşky Olimpiýa oýunlarynyň öňüsyrasynda ulgamyň ygtybarlylygyny barlamakdan ybarat.
Özara hasaplaşyklar üçin RMB-ni diňe bir hytaý kompaniýalary ulanmaýar. Sýungangda synaga gatnaşýan 19 kompaniýanyň arasynda «McDonald’s» hem bar.
Hytaý Halk Bankynyň başlygy Ýi Gan kanuny sanly walýutalaryň ulanylmagynyň ilatyň amatlylyk howpsuzlyk we walýuta galplyklaryndan goranmak bilen bagly islegleriniň kanagatlandyrylmagyna, şeýle hem sanly ykdysadyýetiň ösmegine goşant goşýandygyny belledi.
Häzirki wagtda Hytaý sanly hökümet walýutasynyň ornaşdyrylmagynda öňdebaryjy bolup durýar. Şeýle-de bolsa, “Halk Bank” RMB-ni durmuşa geçirmegiň meýilnama-çyzgysyny entek tanyşdyrmady. Onuň has anygrak çyzgysy diňe 2022-nji ýyldaky Olimpiýa oýunlaryndan soň peýda bolar diýlip garaşylýar.
