Beýik Britaniýada AstraZeneca farmaseptik kompaniýasy koronawirusa garşy sanjymyň birinji tapgyryna başlady. Bu barada kompaniýanyň metbugat gullugy habar berýär. Muny rossaprimavera.ru ýetirýär.
“AstraZeneca Beýik Britaniýada 18-den 55-e çenli ýaş aralygyndaky 48 meýletinçiniň gatnaşmagynda geçiriljek barlag işiniň serişdäniň howpsuzlygyna gönükdiriljekdigini habar berdi” – diýip, “The Guardian” neşiri ýazýar.
Sanjymy taýýarlamak işini AstraZeneca britan-şwed farmaseptik kompaniýasy Oksford uniwersitetiniň barlag geçirijileri bilen bilelikde alyp barýar. Bu serişde AZD7442 adyny aldy. Ol özünde iki antibedenjikleriň birleşmesini jemleýär. Kompaniýada serişdäniň “ýokary täsirlilik we ulanylyş dowamlylygy” bilen tapawutlanjakdygyny belleýärler.
Ýewropa Bileleşigi eýýäm britan farmaseptik kompaniýasyndan COVID-19-a garşy 400 mln doza sanjymy satyn almakçydygyny mälim etdi.
Ýatlap geçsek, öň AstraZeneca kompaniýasy sanjymyň kliniki synaglarynyň üçünji tapgyryny Russiýanyň territoriýasynda geçirmäge rugsat aldy. Barlag işine Peterburgyň we Moskwanyň dört sany lukmançylyk edarasynyň binýadynda 150 sany rus raýaty gatnaşar.
