Tramp ABŞ-da Alibaba kompaniýasynyň işini gadagan edip biler

Tramp ABŞ-da Alibaba kompaniýasynyň işini gadagan edip biler

ABŞ-nyň Prezidenti Donald Tramp ABŞ-da Alibaba hytaý IT-kompaniýasynyň işini gadagan etmek mümkinçiligini gözden geçirýär, bu barada “Kommersant” gazeti habar berýär.

Bedminsterdäki (Nýu-Jersi ştaty) metbugat-konferensiýasynda ABŞ-nyň hökümeti beýleki uly hytaý tehnologik kompaniýalarynyň, hususan-da, Alibaba kompaniýasynyň işini gadagan etmegi meýilleşdirýärmi diýlen metbugatyň soragyna beren jogabynda amerikan lideri şeýle belledi: “Hawa. Biz beýleki mümkinçilikleri hem gözden geçirýäris”.
Alibaba — Hytaýyň uly internet-kompaniýasy bolup, elektron söwda gurşawynda 1999-njy ýyldan bäri hereket edýär. Oňa birnäçe meşhur internet-meýdançalary degişli, olaryň arasyndan AliExpress, Alibaba Pictures we Taobao.com bellemek bolar.
Öň, Tramp TikTok we WeChat serwisleriniň milli howpsuzlyga ýetirýän howpy bilen göreşmek barada permana gol çekdi. Bu resminama laýyklykda, amerikanlar 45 gün möhlet dolanyndan soň, ByteDance kompaniýasynyň programmasynyň eýeleri bilen ähli şertnamalary doly derejede bes etmeli bolarlar. Eger-de ahyrky möhlet tamamlanýança, amerikan brendleriniň hiç biri TikTok-y hytaý kompaniýasyndan satyn almasa, onda serwis gadagan ediler.