Tramp koronawirusa garşy üç sanjymyň synag işleriniň tamamlanandygyny aýtdy

Tramp koronawirusa garşy üç sanjymyň synag işleriniň tamamlanandygyny aýtdy

Amerikan lideri Donald Tramp Covid-19 täze wirusa garşy Birleşen Ştatlarda döredilen üç sany sanjymyň synag işleriniň tamamlanandygyny aýtdy. Onuň aýtmagyna görä, hünärmenler serişdäniň 600 mln dozasyny döretmäge taýýar. Bu barada gazeta.spb.ru habar berýär.

Donald Tramp sanjym-dalaşgäriň önümçiligi we 100 mln dozasy bilen üpjün etmek boýunça Moderna amerikan biotehnologik kompaniýasy bilen ylalaşyk gazanylandygyny aýtdy. Şertnama $1,5 mlrd bilen bahalandyrylýar.
Öň, amerikan hökümeti bilen şeýle şertnamany şular ýaly sanjymlary beýleki öndürijiler, şol sanda Johnson & Johnson, AstraZeneca, Pfizer, BioNTech, Sanofi we GlaxoSmithKline kompaniýalary hem baglaşdy.
Iýulyň ahyrynda Moderna sanjymyň köpçülikleýin kliniki synagynyň başlanandygyny mälim etdi. ABŞ-nyň hökümeti farmasewtik kompaniýanyň bu işine, umumy alanyňda, $950 mlrd sarp etdi.
Analitikleriň birnäçesi ABŞ-nyň yzyndan beýleki ýurtlaryň hem Moderna bilen şertnama baglaşmagynyň mümkindigini aýdanlaryndan soň, farmasewtik kompaniýanyň paýnamalary 5%-den hem gowrak ýokarlandy.
ТАSS agentliginiň habar bermegine görä, Tramp sanjymyň ilki Dermanlaryň we iýmit önümleriniň hiline sanitar gözegçilik boýunça edaranyň (FDA) hünärmenleri tarapyndan makullanylmalydygyny hem belledi. Şondan soň sanjymyň ýene 500 mln dozasy öndüriler.