ABŞ-nyň Türkmenistandaky ilçihanasy magistr derejesini almak boýunça Fulbraýt maksatnamasy üçin 2021-2022-nji okuw ýyly üçin açyk bäsleşik yglan edýär. Bu barada Turkmenportal ilçihananyň resmi saýtyna salgylanyp habar berýär.
Fulbraýt adyndaky maksatnama Türkmenistanyň ýaş hünärmenlerine 2021-nji ýylyň awgustyndan başlap, ABŞ-nyň belli bir uniwersitetinde magistr derejesini almak mümkinçiligini berýär. Bu maksatnama 1946-njy ýylda döredilip, ABŞ-nyň döwlet departamenti tarapyndan maliýeleşdirilýär. Ol ABŞ bilen beýleki ýurtlaryň raýatlarynyň arasyndaky medeni-akademiki aragatnaşygy berkitmek maksady bilen daşary ýurt raýatlaryna ABŞ-nyň ýokary okuw mekdeplerinde mugt bilim almaga mümkinçilik berýär.
Maksatnamanyň dowamlylygy 1 ýa-da 2 ýyl. Lukmançylyk, weterinar ylymlary, şeýle hem näsaglar bilen ýüzbe-ýüz aragatnaşygy talap edýän hünärlerden başga ähli ugurlar boýunça resminamalar kabul edilýär.
Resminamalary tabşyrmagyň ahyrky senesi — 2020-nji ýylyň 15-nji maýy.
Maksatnama barada jikme-jik maglumaty şu salgydan alyp bilersiňiz.
Открыт конкурс на программу магистратуры Фулбрайта на 2021-2022 академический год
- 09.02.2020 23:07
- 6.2k+
