Tesla kompaniýasy Cybertruck elektrik pikaplarynda uzakdan işleýän programma üpjünçiliginiň täzelenmegi arkaly işjeň ses ýatyryş ulgamyny (ANC) işe girizer. Bu barada kompaniýanyň resmi web sahypasynda we öndürijiniň hyzmat resminamalarynda täzelenen enjamlaryň sanawynda yglan edildi.
Bu ulgam 2023-nji ýylyň noýabr aýyndan başlap öndürilýän Cyberbeast we Premium All-Wheel-Drive modelleri üçin elýeterli bolar. Zerur enjamlaryň bardygyna garamazdan, ANC funksiýasy şu wagta çenli programma üpjünçiligi taýdan öçürilen bolmagynda galýar. Pikapyň enjam toplumy dört mikrofona daýanýar, 2021-nji ýyldan bäri bu tehnologiýany ulanýan Model S we Model X bolsa öňdäki oturgyçlaryň kellegoýarlaryndaky alty datçik işledilýär.
Işleýiş ýörelgesi pes ýygylykly ýol şowhunyny anyklamaga we ony neýtrallaşdyrmak üçin antifaz ses tolkunlaryny döretmäge esaslanýar. Bilermenler işjeňleşmäniň gijikmegini algoritmleri Cybertruck-yň gurluş aýratynlyklaryna, şol sanda alýumin şassisine we ýolsuz ýerler üçin niýetlenen tekerleri uýgunlaşdyrmak zerurlygy bilen baglanyşdyrýarlar.
Ýakynda hödürlenen Dual Motor All-Wheel-Drive wersiýasynda bu mümkinçiligiň bolmajakdygyny bellemek gerek. Ulgam 2026-njy model ýyly üçin meýilleşdirilen programma üpjünçiliginiň işlenip düzülmeginiň bir bölegi hökmünde işjeňleşdiriler.
