Braziliýanyň milli ýygyndysynyň we Mýunheniň “Bawariýasynyň” öňki goragçysy Rafinýa professional karýerasyny tamamlandygyny yglan etdi. 39 ýaşly futbolçy bu barada ESPN bilen söhbetdeşlikde aýtdy.
“Men hünärmen futbolçy karýeramy tamamlaýandygymy resmi taýdan yglan edýärin. Bu ozaldan meýilleşdirilen ädimdi, ýöne men barybir gama batýaryn. Bu durmuşymda aýratyn pursat. Hemişe durmuşyňa öwrülen işiň bilen aýrylyşmak pursatyny yza çekesiň gelýär, ýöne men futbolda ähli arzuwlarymy hasyl etdim” – diýip, Rafinýa aýtdy.
Rafinýa “Bawariýanyň” düzüminde ýedi gezek Germaniýanyň çempiony boldy, üç gezek Germaniýanyň Kubogyny we Superkubogyny utdy, bir gezek Çempionlar ligasynda, UEFA-nyň Superkubogynda we Klublaýyn dünýä çempionatynda ýeňiş gazandy. Braziliýanyň milli ýygyndysynyň düzüminde 2008-nji ýylyň Olimpiýa oýunlarynyň bürünç baýragynyň eýesi boldy.
2019-njy ýylda futbolçy Braziliýanyň “Flamengo” klubuna geçip, onuň bilen Libertadores kubogynyň eýesi boldy. Ýene bir ýyldan grek “Olimpiakosyna” geçdi, 2021-nji ýylda bolsa Braziliýa gaýdyp gelip, “Gremioda”, “San-Pauluda” we “Kuritibuda” oýnady. Soňkusy onuň karýerasynda ahyrky nokat boldy.
