Tom's Guide portaly tarapyndan taýýarlanan iň gowy arzan smartfonlaryň sanawynda Google Pixel 8a birinji orny eýeledi. Bu üstünlik onuň ekrany, kameralary we emeli aň (AI) funksiýalary bilen baglanyşyklydyr. Hünärmenler 120 Gz täzelenişe eýe ýagty ekrany, uzak wagt zarýad saklamagy, ýokary hilli kameralary we özboluşly dizaýny barada aýratyn belläp geçdiler.
Google-yň emeli aň funksiýalaryna we 7 ýyllyk täzelenme goldawyna aýratyn ýokary baha berildi.
Ikinji orunda OnePlus 12R ýerleşýär. Onuň esasy aýratynlyklary – 6,78 dýuýmlyk uly ekrany, Snapdragon 8 Gen 2 prosessory we uzak wagt zarýad saklamagydyr. Emma kamera ulgamy Pixel 8a bilen deňeşdirilende pes bolup durýar.
Üçünji orunda bolsa Nothing Phone (2a) ýerleşýär. Bu model özboluşly dizaýny we 6,7 dýuýmlyk OLED ekrany bilen tapawutlanýar. Onuň ekrany hem 120 Gz täzeleniş tizligine eýedir, ýöne kameralarynyň hili bäsdeşlerinden ep-esli pesdir.
Sanawdaky beýleki modelleriň arasynda iPhone SE (2022), Moto G 5G (2024), OnePlus Nord N30 we Samsung Galaxy A55 hem bar. Bu modeller hem wirtual galamlary goldamak, ýagty ekranlary we uzak wagt zarýad saklamak ýaly aýratynlyklary bilen ünsi özlerine çekýärler.
