Türkmenistan ITF bilen 2028-nji ýyla çenli tennisi ösdürmek meýilnamasyny ylalaşýar

  • 23.10.2024 06:59
  • 1.5k+
Türkmenistan ITF bilen 2028-nji ýyla çenli tennisi ösdürmek meýilnamasyny ylalaşýar

Türkmenistan Halkara tennis federasiýasy (ITF) bilen ýurdumyzda sportuň bu görnüşini 2028-nji ýyla çenli ösdürmek meýilnamasyna gol çeker. Degişli ylalaşyk Gonkongda Halkara tennis federasiýasynyň Baş assambleýasynyň çäklerinde geçirilen gepleşiklerde Türkmenistanyň Tennis federasiýasynyň başlygy Eziz Döwletow bilen ITF-iň baştutany Dewid Haggertiniň arasynda gazanyldy.

Türkmenistanyň Tennis federasiýasynda (TTF) habar berlişi ýaly, gol çekmäge taýýarlanylýan resminama 213 milli tennis guramasyny birleşdirýän iň iri abraýly halkara sport guramasy bilen hyzmatdaşlygy berkitmäge gönükdirilendir.
Mälim bolşy ýaly, şu ýylyň mart aýynda Halkara tennis federasiýasynyň (ITF) başlygy Dewid Haggerti Aziýa tennis federasiýasynyň (ATF) başlygy Ýuriý Polskiý bilen Türkmenistana ilkinji gezek geldi. Iki günlük saparyň dowamynda myhmanlary Türkmenistanyň Prezidenti Serdar Berdimuhamedow kabul etdi. Duşuşykda ITF-iň we ATF-iň sporty höweslendirmek we goldamak, jemgyýetde sagdyn we işjeň durmuş ýörelgelerini döretmek meselesine aýratyn üns berilýän Türkmenistan bilen netijeli hyzmatdaşlygy ösdürmäge gyzyklanma bildirýändigi beýan edildi.
Ýurdumyzda bu ugurda uly üstünlik gazanylandygyny belläp, jenap Dewid Haggerti döwlet Baştutanyna Türkmenistanda tennisiň ösmegine goşan goşandy üçin ITF-iň şahadatnamasyny gowşurdy.
Gonkongda geçirilen gepleşiklerde TTF-iň we ITF-iň ýolbaşçylary 2025-nji ýylda tälimçiler üçin okuw maslahatyny geçirmek, şeýle hem maýyplar üçin tennis sportuny ösdürmek ýaly bilelikdäki taslamalary durmuşa geçirmek üçin Aşgabat şäherindäki «Tennis boýunça Aziýa sebitiniň okuw-türgenleşik merkezinden» peýdalanmak mümkinçiligini ara alyp maslahatlaşdylar. Milli ýygyndy toparyň agzalary türkmen tennisçileriniň taýýarlyk derejesini ýokarlandyrmak üçin daşary ýurtly hünärmeni çagyrmak meselesi gozgaldy.
Duşuşygyň ahyrynda ITF-iň başlygy 17–25-nji noýabry aralygynda Bahreýniň Isa-Taun şäherinde geçiriljek Dewisiň Kubogy ugrunda ýaryşda türkmen toparyna üstünlik arzuw etdi diýip, "Türkmenistan: Altyn asyr" elektron neşiri habar berýär.

Australian Open öz ýaýlymlarynda hakyky tennisçileri uly kelleli awatarlar bilen çalyşdy
düýn 11:15
2.1k+

Australian Open öz ýaýlymlarynda hakyky tennisçileri uly kelleli awatarlar bilen çalyşdy

Iň uly tennis ýaryşlarynyň biri bolan Australian Open-i gurnaýjylar oýunlary ýaýlyma bermekde çäklendirmeleri ýeňip geçmek üçin özboluşly çözgüt tapdy. Olar hakyky oýunçylary Wii Sports oýnunyň äheňinde ýerine...

Jokowiç “Uly tuwulga” ýaryşlarynda rekord 430-njy oýnuny geçirdi
16.01.2025 11:02
1k+

Jokowiç “Uly tuwulga” ýaryşlarynda rekord 430-njy oýnuny geçirdi

Serbiýaly tennisçi Nowak Jokowiç “Uly tuwulga” ýaryşlarynda ýekelikde geçiren oýunlarynyň sany boýunça absolýut rekord eýesi boldy. Awstraliýanyň Açyk çempionatynyň ikinji tapgyr oýnunda serbiýaly türgen portugaliýaly...

Ýetginjekleriň arasynda küşt boýunça Türkmenistanyň çempionlary kesgitlenildi
13.01.2025 16:07
2.5k+

Ýetginjekleriň arasynda küşt boýunça Türkmenistanyň çempionlary kesgitlenildi

5-10-njy ýanwar aralygynda Aşgabat ýöriteleşdirilen küşt we şaşka mekdebinde 20 ýaşa çenli oglan we gyzlaryň arasynda küşt boýunça Türkmenistanyň çempionaty geçirildi. Bu barada Orient habar berýär. Oglanlaryň...

Gael Monfis soňky 47 ýylda ATP-niň iň uly ýaşly ýeňijisi boldy
13.01.2025 15:16
2.4k+

Gael Monfis soňky 47 ýylda ATP-niň iň uly ýaşly ýeňijisi boldy

38 ýaşly fransiýaly tennisçi Gael Monfis soňky 47 ýylda ATP titulyny gazanan iň uly ýaşly tennisçi boldy. Oklendde geçirilen ATP-250 ýaryşynyň finalynda ol belgiýaly Zizu Bergsden üstün çykdy (6:3, 6:4). Monfis...