“Barselonanyň” öňki kapitany Serhi Roberto Italiýanyň “Komo” klubuna geçdi. 32 ýaşly ýarymgoragçy onuň “Barselona” boýunça öňki klubdaşy Sesk Fabregasyň ýolbaşçylygyndaky topar bilen ikiýyllyk şertnama baglaşdy. Bu barada klubuň X sosial ulgamyndaky sahypasynda habar berilýär.
Roberto 11-nji awgustda “Barselonadan” erkin agent hökmünde gidýändigini mälim etdi. Öň, oňa “Aýaksyň” we “Fiorentinanyň” gyzyklanma bildirýändigi habar berlipdi.
Roberto karýerasynyň dowamynda “Barselonanyň” düzüminde 373 oýna gatnaşyp, 19 gol geçirdi. Topar bilen ýedi gezek Ispaniýanyň çempiony, alty gezek Ispaniýanyň Kubogynyň eýesi we iki gezek Çempionlar ligasynyň ýeňijisi boldy. Şeýle-de, ol UEFA-nyň Superkubogyny we Klublaýyn dünýä çempionatyny utdy.
