“Inter Maýami” amerikan klubunyň hüjümçisi we kapitany Lionel Messi 2026-njy ýyldaky dünýä çempionatynyň ýakynda geçiriljek saýlama oýunlary üçin Argentinanyň milli ýygyndysynyň düzümine girmedi. Çilä we Kolumbiýa garşy oýunlar 6-njy we 10-njy sentýabrda geçiriler.
Argentinanyň Futbol assosiasiýasynyň resmi saýty baş tälimçi Lionel Skaloni tarapyndan çagyrylan 28 oýunçydan ybarat sanawda 37 ýaşly futbolçynyň ýokdugyny tassyklady.
Milli ýygyndynyň düzüminde Messiniň ýoklugy, aýratynam, onuň halkara derejesindäki üstünlikli çykyşlaryndan soň ünsi çekdi. 2024-nji ýylyň Amerikanyň Kubogyndaky ýeňşinden soň, futbolçy milli topardaky karýerasyny tamamlap biljekdigine yşarat etdi.
Messi Argentinanyň milli ýygyndysynyň düzüminde 2022-nji ýylda dünýä Kubogyny, 2021-nji we 2024-nji ýyllarda Amerikanyň Kubogyny, şeýle-de 2008-nji ýylda Pekindäki Oýunlarda Olimpiýa altyn medalyny utdy.
Skaloniniň Messini oýunçylar sanawyna goşmazlyk çözgüdi Argentinanyň milli ýygyndysy üçin täze tapgyryň başlanýandygyny görkezip biler.
