2022-nji ýylda dünýäde elektromobil satuwy 55% ýokarlanyp, 10 mln birlikden geçdi. Bu barada Halkara energetika agentligine (IEA) salgylanyp, interfax.ru habar berýär.
Satuw möçberi rekord derejeli bolup, Ýewropa Bileleşigindäki ähli awtomobilleriň satuwyndan (takmynan, 9,5 mln birlik) ýokary boldy. Elektromobilleriň, takmynan, 60%-i Hytaýda satyldy, olar bu ýerde awtomobilleriň umumy satuwynyň ýarysyna golaýyny emele getirdiler.
Dünýä ýollarynda elektromobilleriň sany 60% ýokarlandy we 2022-nji ýylda 26 milliondan geçdi.
2023-nji ýylyň üç aýynda 2,3 milliondan gowrak elektromobil satyldy, bu bolsa bir ýyl ozalky görkezijiden dörtden bir ýokarydyr. Satuw ikinji ýarymýyllykda çaltlaşar we ýylyň ahyryna çenli 14 mln birlige ýeter diýip, agentlik çaklaýar.
Umumy awtomobil satuwynda elektromobilleriň paýy 2022-nji ýylda 14% boldy we şu ýylyň jemi boýunça 18%-e ýetip biler. 2020-nji ýylda görkeziji 4% derejesindedi.
