OpenAI kompaniýasy öz saýtynda Apple smartfonlary üçin ChatGPT-niň ykjam wersiýasyny döretmek üçin tejribeli iOS programaçysyny gözleýändigini habar berdi. Görnüşine görä, kompaniýa meşhur çat boty mobil platformalara getirmäge taýyn.
Häzirlikçe mobil müşderiniň ilkinji wersiýasynyň haçan hemmeler üçin elýeterli boljagy mälim edilmedi we synag görnüşiniň başlanjak wagty hem habar berilmedi. Emma, OpenAI saýtyndaky düşündirişe seretseň, watchOS we macOS wersiýalaryna hem garaşyp bileris.
Her niçigem bolsa, bu ulgamlar iş gözleýänlere bildirilýän talaplaryň arasynda agzalýar. Täze GPT-4 dil modeliniň dürli tarapdan 3.5 wersiýadan ýokarydygyny we geljekki GPT-5-iň has ýokary derejä eýe bolandygyny bellemelidiris. Onuň adamdan tapawudy bolmaz diýip tassyklanýar.
