Kaliforniýa ştatyndaky Coachella aýdym-saz festiwaly koronawirus pandemiýasy bilen baglylykda 2020-nji ýylda geçirilmez. Bu barada çäräniň däp boýunça geçýän ýeri bolan Riwersaýd etrabynyň saglygy goraýyş departamentiniň beýannamasynda aýdylýar, muny TACC habar berýär.
Degişli çözgüt festiwalyň geçmeli wagty bolan güýzde pandemiýanyň ikinji “tolkunynyň” bolmagyndan ätiýaç etme sebäpli kabul edildi. “Biziň üçin etrabyň ýaşaýjylarynyň saglygy birinji ýerdedir” – diýlip, beýannamada aýdylýar. Şeýle-de, Stagecoach festiwaly hem ýatyryldy.
Ilkibaşda Coachella ýazda 10-yndan 12-nji aprel we 17-sinden 19-njy aprel aralyklarynda geçiriler diýlip göz öňünde tutuldy. Soňra koronawirus ýaýrawy sebäpli çäre oktýabryň ortalaryna süýşürildi. Çykyş etmelileriň arasynda Rage Against the Machine rok-topary, Lana Del Reý pop-aýdymçysy, reper Trewis Skott hem-de Sergeý Şnurowyň “Leningrad” rus topary bardy.
Coachella – ABŞ-da iň meşhur aýdym-saz festiwallarynyň biri. Ol Los-Anjelesden 200 kilometrlikde Indio şäherinde (Kaliforniýa ştaty) 1999-njy ýyldan bäri geçirilýär. Bloomberg agentliginiň hasaplamasy boýunça, bu çäräni geçirmekden gelýän girdeji her ýylda $100 milliona ýetýär.
Indiki ýyl çäre 9-yndan 11-nji aprel we 16-syndan 18-nji aprel aralyklarynda geçiriler, Stagecoach çäresi bolsa 23-inden 25-nji aprel aralygynda geçiriler diýip, guramaçylar habar berýär.
“Bu biziň islendik birimiziň çaknyşmak islän gelejegimiz däl, ýöne biziň janköýerlerimiziň, işgärlerimiziň, artistlerimiziň, çöl-beýewandaky hyzmatdaşlarymyzyň we festiwala gatnaşyjylaryň hemmesiniň saglygy biziň esasy maksadymyz bolmagynda galýar” – diýlip, habarda aýdylýar.
Federal we ýerli häkimleriň maglumatlary esasynda hasap çykarýan Jons Hopkins uniwersitetiniň maglumatlary boýunça, ABŞ-da täze koronawirus bilen kesellemegiň 2 mln ýagdaýy hasaba alyndy. 112,9 müňden gowrak adam ýogaldy, olaryň 4,8 müň töweregi Kaliforniýada.
Музыкальный фестиваль Coachella не состоится в 2020 году
- 13.06.2020 23:14
- 3.1k+
