Awtomobilleriň bazary her ýylda döwrebap ulag serişdeleri bilen doldurylýar. Öndürijiler öňdebaryjy tehnologiýalara hem-de herekete getirijileriň täze görnüşlerine geçmäge has köp üns berýärler. Häzirki wagtda elektrokarlar iň bir ekologik ulaglar hasaplanylýar. «OANews» neşiriniň žurnalistleri 2020-nji ýylyň iň täze elektrokarlarynyň bäşligini düzdi.
Reýtingiň başyny Audi e-tron Sportback başlaýar. Bu awtomobil geçen ýylyň ahyrynda tanyşdyryldy, ýöne onuň önümçiligi ýazda başlanar. Modeliň aýratynlygy awtoulag islendik ýolda rahat hem-de howpsuz dolandyrmaga mümkinçilik berýän doly herekete getiriji döwrebap ulgamdan ybarat. Modeliň akkumulýatory 446 kilometr ätiýaçlyk ýoly üpjün edýär. Audi e-tron Sportback Ýewropada 2020-nji ýylyň 28-nji noýabrynda satuwa çykar.
Tesla Model Y. Model 2019-njy ýylyň mart aýynda resmi taýdan hödürlenildi. Ulag serişdesiniň çykarylmagy relizinden 12 aýdan soňa, ýagny 2020-nji ýylyň mart aýyna meýilleşdirilen. Amerikan öndürijisiniň elektromotor bilen üpjün edilen bu awtomobiline dünýä bazarynda örän köp isleg bildirilýär. Ulagyň artykmaçlygy howpsuzlygyň ýokary görkezijisinden hem-de öndürijileriň hemişe kämilleşdirmegiň üstünde işleýän gowy tehniki başarnyklaryndan ybaratdyr. Awtomobil aýratyn Gigafactory kärhanasynda öndürilýär.
Sanawda hereketler we wirtual kömekçiniň kömegi bilen ses arkaly dolandyrylýan enjam paneliniň uly ekrany bilen üpjün edilen Ford Mustang Mach-E hem bar. Elektromobil 270 a.g. güýçli gurluşa eýe boldy. Daşky keşbi boýunça model benzin herekete getirijili ulaglardan tapawutlanmaýar. Ulag serişdesiniň ätiýaçlyk ýoly bir gezek zarýadlanmada 400 kilometre ýetýär.
Reýtingiň yzyny Rivian R1T pikapy dowam etdirýär, bu model diňe ABŞ-da deslapky sargyt üçin elýeterli. Bu awtomobil elektrik çekiş güýçli ilkinji pikaplaryň biri.
Sanawyň ahyrynda bir gezek zarýadlanmada 400 km-i geçmäge mümkinçilik berýän akkumulýatorly BMW iX3 getirilýär. Bu elektromobil baradaky anyk maglumatlar ýazda peýda bolar. Bu ulagyň çykarylmagynda öndüriji sürüjiniň we ýolagçylaryň rahatlygyny göz öňünde tutupdyr.
2020-nji ýylda satuwa çykaryljak iň gowy elektrokarlar
- 08.02.2020 22:35
- 2.8k+