Tizligiň ýokarlandyrylmagy, «gyzyl» çyrada geçip gitmek, serhoş halda awtoulagy dolandyrmak we howpsuzlyk kemerlerini ulanmazlyk awtoulag sürüjileriniň düzgün bozmalarynyň iň giň ýaýran görnüşleridir. Bilermenleriň pikirine görä, jerimeleriň möçberlerini artdyrmak bilen ýollarda howpsuzlygynyň derejesini ýokarlandyryp bolar. car.ru saýty bu ýagdaýyň dünýäniň dürli ýurtlarynda nähilidigini habar berýär.
Tizlik kadalarynyň bozulmagy üçin (20 km/sag) Norwegiýada 480 ýewro, Finlýandiýada 200 ýewro, Şwesiýada 230 ýewro, Şweýsariýada 160 ýewro jerime salnyp bilinýär. Germaniýada bu jerime 35 ýewro deňdir.
Sürüjiniň tizlik çäklendirmesini 50 km/sagat bozan bolsa Beýik Britaniýada jerime 2900 ýewro deň bolup biler. Şweýsariýada bu düzgün bozma üçin jerime sürüjiniň 60 aýlyk zähmet hakynda deň bolup biler.
Eger-de hukuk goraýjy işgärleri lukmanlaryň kömegi bilen sürüjiniň ganynda alkogol ýüze çykarsa, onda Şweýsariýada, Ispaniýada sürüji tussag edilýär. Ýörite enjamsyz tlefonda gürleşendigi üçin sürüjä 200 ýewro jerime salynýar.
Beýik Britaniýada howpsuzlyk kemerini dakmadyk sürüjä 580 ýewro, Ispaniýada we Daniýada 200 ýewro, Şweýsariýada bolsa 55 ýewro jerime salynýar.
Italiýada tizligiň ýokarlandyrylmagy üçin 779-3119 ýewro jerime salynýar. Serhoş halda ulagy dolandyrmak (0,5 promile çenli) 0,5-2 müň ýewro; 0,8 promil – 0,8-2000 ýewro; 1,5 ýa-da ondan ýokary promil üçin Italiýada 1,5-6 müň ýewro tölemeli we iki ýyllyk sürüjilik şahadatnamaňdan el çekmeli.
Finlýandiýada ýol hereketiniň kadalarynyň bozulandygy üççin jerimäniň möçberiniň 170 müň ýewro deň bolan ýagdaýy hasaba alnypdy.
