15-nji aprelde gündiz sagat 12-den başlap Russiýa Federasiýasyna türkmen tebigy gazynyň iberilmegi gaýtadan ýola goýuldy. Bu barada oilgas.gov.tm saýty «Türkmengaz» döwlet konsernine salgylanyp habar berýär.
Gazy ibermekligi gaýtadan dikeltmek meselesi Türkmenistanyň Prezidenti Gurbanguly Berdimuhamedow bilen «Gazprom» açyk paýdarlar jemgyýetiniň müdiriýetiniň başlygy, direktorlar geňeşiniň başlygynyň orunbasary Alekseý Milleriň arasynda 27-nji martdaky duşuşykda bellenilipdi.
Tebigy gazyň iberilmeginiň gaýtadan dikeldilmegi Türkmenistan bilen Russiýa Federasiýasynyň arasynda gaz ulgamynda 2028-nji ýyla çenli hyzmatdaşlyk etmek hakyndaky hereket edýän hökümetara Ylalaşygyň çäklerinde ýola goýuldy.
