Bill Geýts haýsy smartfony halaýandygyny aýtdy

Bill Geýts haýsy smartfony halaýandygyny aýtdy

Microsoft-y esaslandyryjy Bill Geýts eplenýän gurluşlary halaýandygy barada gürrüň berdi. Telekeçi apparatyň haýsy kysmyny gowy görýändigini Reddit-de sowal-jogap sessiýasy (AMA, Ask we anything) mahalynda agzady. Meýdança geleniň: «Geýts haýsy telefony ulanýar» diýen sowalyna telekeçi: «Android ekoulgamyna gadyr goýýar» diýip, jogap berdi. «Mende Samsung Galaxy Z Fold 3 bar» — diýip, milliarder belledi.  Şonda Bill Geýts enjamyň form-faktory arkaly, dewaýsy bir wagtda smartfon hökmünde-de, portatiw kompýuter hökmünde-de ulanýandygyny belledi. Şeýle-de, Microsoft-yň esaslandyryjysy wagtal-wagtal ulanýan telefonlaryny çalşyp durýandygyny habar berdi.

Ulanyjylaryň aglabasy öz ýazýan teswirlerinde Microsoft-yň Windows-yň bazasynda smartfonlary işläp taýýarlamagy togtadandygy barada agzaýarlar. «iOS hem, Android hem göwnüme ýaranok, ýöne men olaryň haýsy bolsa-da birini saýlaýmaly. Bu degnama degýär! » — diýip, mahhuang nikli bir ulanyjy aýdýar. «Windows Phone-nyň wepaly hyrydarlary az däl» — diýip, meýdança gelen OttomateEverything nikli biri nygtaýar.
Android Authority neşiriniň žurnalistleri Geýtsiň işlenip taýýarlanan Microsoft Surface Duo 2-niň deregine Samsung smartfonundan peýdalanýandygyny belledi. Şeýle-de bolsa, awtorlar koreý we amerikan kompaniýalarynyň mobil gurluşlar ulgamynda öňden bäri hyzmatdaşlyk edýändiklerini ýatlatdylar.