Nýu-Ýorkda dünýädäki iň insiz diň guruldy

  • 13.04.2022 04:55
  • 16k+

Nýu-Ýorkda dünýädäki iň täsin binalaryň biri bolan iň insiz diň guruldy. Dezeen-iň ýazmagyna görä, bu iňňe diňi Manhetteniň merkezinde, 111 West 57th Street salgysynda ýerleşýär.

Onuň beýikligi 435 metre golaý bolup, ol Günbatar ýarym şarynda iň beýik ikinji binadyr. Beýikligiň binýadyň meýdanyna bolan gatnaşygy 24:1 deň.
Billionaries Row-da diňiň gurluşygy barada 2013-nji ýylda mälim edilipdi. Bir ýyldan soň onuň gurluşygyna başlandy, ýöne 2017-nji ýylda pul ýetmezçiligi sebäpli bu taslama wagtlaýyn togtadyldy.
Diňi ShoP Architects-iň arhitektorlary taslamalaşdyrdylar. Arhitektura býurosynyň maglumatlaryna görä, bu diň dünýädäki iň berk betondan guruldy. Diňiň gündogar we günbatar ýüzi bürünç urundyly terrakota plitalary bilen örtülendir, aýna diwarlary bolsa demirgazykda Merkezi seýilgähe we günortada Aşaky Manhettene tarap öwrülýär. Interýerleri Sofield studiýasy ýerine ýetirdi.
Taslamany durmuşa geçiren deweloper binýadynda diň bilen ýanaşyk ýerleşýän 1925-nji ýyldaky Steinway Hall binasyny hem dikeltdi. Netijede diňdäki we oňa ýanaşýan Steinway Hall-daky rezidensiýalaryň sany 60-a ýetýär. 
Diňde eýýäm ornaşmak bolýar. Binada 25 metrlik basseýn we beýleki ajaýyp amatlyklar, şol sanda aýratyn naharhana we eýwanly fitnes merkezi bar. 


düýn 23:51
7.4k+

Nebraskada 50 ýaşly wagt kapsulasyny açdylar. Içinden hakyky awtoulag çykdy

ABŞ-nyň Nebraska ştatynyň Stýuard şäherinde, takmynan, 50 ýyl bäri ýeriň astynda ýatan wagt kapsulasy açyldy. Içindäki 5000-den gowrak predmetiň arasynda gowy ýagdaýda saklanyp galan hakyky Chevrolet Vega ýeňil ulagy hem bar diýip, The Drive ýazýar...

düýn 20:45
2.1k+

ByteDance ABŞ üçin TikTok-yň we CapCut-yň aýratyn wersiýalaryny çykarar

Hytaýyň ByteDance kompaniýasy diňe bir TikTok sosial ulgamynyň däl, eýsem CapCut wideoredaktorynyň aýratyn wersiýasyny çykarmagy meýilleşdirýär. Olar diňe ABŞ-daky ulanyjylara gönükdiriler diýip, Business Insider habar berýär...

09.07.2025 14:16
3.3k+

Trump Media kompaniýasy Netflix-iň bäsdeşi boljak Truth+ akym hyzmatyny işe girizdi

Trump Media kompaniýasy özüniň Truth+ akym hyzmatynyň dünýä derejesinde işe başlandygyny habar berdi. Häzirki wagtda platformadaky göni ýaýlymlar we wideo mazmun mugt elýeterlidir. Abuna ýazylmak barada maglumat ýok diýip, Reuters ýazýar...

09.07.2025 13:12
10k+

ABŞ-da göz şekilli penjireleri bolan üýtgeşik myhmanhana guruldy

Denwer amerikan şäheriniň merkezinde fasady ýüzlerçe “göz” şekilinde ýerine ýetirilen üýtgeşik Populus myhmanhanasy açyldy. Binagärlik taslamasy Studio Gan studiýasy tarapyndan durmuşa geçirildi we diňe bir täsin dizaýny bilen däl, eýsem gurluşyga ekologik çemeleşmesi bilen tapawutlanýar diýip, ArchDaily ýazýar...