TmCars.info norwegiýaly Magnus Karlsen bilen russiýaly grossmeýster Ýan Nepomnýaşiýniň küşt boýunça dünýä çempionlygy ugrundaky gapma-garşylygyny yzarlamagyny dowam edýär. 10-njy tapgyrda küştçüler deňme-deň oýnady.
Oýun 41 göçümde tamamlandy. Oýunda Magnus aklar bilen oýnady.
Indi umumy hasap küşt boýunça dünýä çempiony adyny goraýan Karlseniň peýdasyna 6,5-3,5 boldy. Oýnuň nobatdaky - 11-nji tapgyry anna güni geçiriler.
Magnusa bu ýaryşda ýeňiş gazanmak üçin bary-ýogy bir ýeňiş ýa-da iki sany deňme-deňlik ýeterlik.
Küşt boýunça dünýä çempionlygy ugrundaky duşuşygyň Dubaýda geçirilýändigini ýatladýarys.
