2022-nji ýylda geçiriljek gyşky Oýunlaryň Olimpiýa alawy Pekine getirildi

2022-nji ýylda geçiriljek gyşky Oýunlaryň Olimpiýa alawy Pekine getirildi

2022-nji ýylda Pekinde geçiriljek XXIV gyşky Oýunlaryň Olimpiýa alawy Afinadan Hytaýa getirildi. Bu barada Sinhua agentligi habar berýär diýip, TASS belleýär.

Onuň maglumatlary boýunça, çarşenbe güni irden Pekindäki Oýunlaryň guramaçylyk komitetiniň wekiliýeti bilen uçar Şoudu halkara howa menziline (Paýtagt howa menzili) gondy.

Duşenbe güni Gadymy Olimpiýada ýakylan alaw sişenbe güni 2022-nji ýylda Pekinde geçiriljek Olimpiýa oýunlarynyň guramaçylaryna gowşuryldy. Dabara Afinanyň “Panatinaikos” taryhy stadionynda Gresiýa Respublikasynyň prezidenti Katerina Sakellaropulunyň, Gresiýanyň Milli Olimpiýa Komitetiniň (MOK) ýolbaşçysy Spiros Kapralosyň, 2022-nji ýylda Pekinde geçiriljek gyşky Olimpiýa we Paralimpiýa oýunlarynyň guramaçylyk komitetiniň başlygynyň orunbasary we Hytaýyň MOK-nyň wise-prezidenti Ýuý Szaýsiniň we beýleki resmi adamlaryň gatnaşmagynda geçirildi. Koronawirus pandemiýasy sebäpli tomaşaçylar dabara gatnaşmady.

XXIV gyşky Olimpiýa oýunlary 2022-nji ýylyň 4 – 20-nji fewralynda, Paralimpiýa oýunlary 4 – 13-nji martda Pekinde geçiriler. Hytaýyň paýtagty 2015-nji ýylyň 31-nji iýulynda Kuala-Lumpurda geçirilen HOK-nyň sessiýasynda Olimpiadanyň geçiriljek ýeri hökmünde saýlandy.