Çempionlar ligasy: Ronaldunyň 95-nji minutda goly «MÝ» ýeňiş getirdi

  • 30.09.2021 13:35
  • 12k+

Çarşenbe güni, 29-njy sentýabrda UEFA Çempionlar ligasynyň ikinji tapgyrynyň duşuşyklary geçirildi.

Е topar

«Barselona» myhmançylykda «Benfikadan» 0:3 hasabynda ýeňildi. Gollar: Darwin Nunýes (dubl), Rafa Silwa.
Ugurdaş duşuşykda «Bawariýa» Kiýewiň «Dinamosyny» 5:0 hasabynda ýeňdi. Gollar: Robert Lewandowskiý (dubl), Serž Gnabri, Leroý Sane, Şupo-Moting.

Iki tapgyrdan soň, E toparda mýunhenliler 6 utuk bilen öňdeligi eýeleýär. «Benfika» ikinji (4 utuk), «Dinamo K» üçünji (1) orny eýeleýär. «Barselona» hiç hili utuksyz bolup, soňky orunda ýerleşýär. 

F topar
«Old Traffordda» geçirilen duşuşykda «Mançester Ýunaýted» 2:1 hasabynda «Willarealdan» üstün çykdy. Duşuşykda 53-nji minutda «Willarealdan» Pako Alkaser birinji goly geçirdi. Ýedi minut soňra Aleks Telles hasaby deňledi. Duşuşyga goşulan soňky bäşinji minutda Kriştianu Ronaldunyň goly kluba ýeňiş getirdi.
Ugurdaş duşuşykda italýanlaryň «Atalantasy» 1:0 hasabynda «Ýang Boýsdan» üstün çykdy. Ýeke-täk goly 68-nji minutda Pessina geçirdi.
«Atalanta» dört utuk bilen F toparda birinji orny eýeleýär. Onuň yz ýanyndan hersi üç utuk toplan «Ýang Boýs» bilen «Mançester Ýunaýted» gelýär. «Willarealda» 1 utuk bar.

G topar
Nemesleriň «Wolfsburgy» ispanlaryň «Sewilýasy» bilen 1:1 hasabynda deňme-deň oýnady. Gollar: Renato Şteffen (48), Iwan Rakitiç (87).
Ugurdaş duşuşykda «Red Bull Zalsburg» fransuzlaryň «Lill» klubuny 2:1 hasabynda ýeňdi. Gollar: Karim Adeýemi (35, 53-nji minut pen.), Burak Ýylmaz (62).
Şeýlelikde, «RB Zalsburg» 4 utuk bilen birinji ýeri eýeleýär. Ondan soňra «Sewilýa» (2 utuk) we «Wolfsburg» (2). «Lill» 1 utuk toplady.

H topar
«Zenit» 4:0 hasabynda şwedleriň «Malmösini» ýeňdi. Gollar: Klaudinýo, Kuzýaýew, Sutormin, Wendel.
Ugurdaş duşuşykda Turinde «Ýuwentus» «Çelsini» 1:0 hasabynda ýeňdi. Gol: Federiko Kýeza (46).
Iki tapgyrdan soň «Ýuwentus» 6 utuk bilen birinji orny eýeleýär. Soňra «Çelsi» (3), «Zenit» (3) we «Malmö» (0) ýerleşýär.


düýn 19:46
3.9k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
8k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:17
5.1k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
11k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...