Emeli et öndürýän kompaniýa emeli süýt hem çykaryp başlar

Emeli et öndürýän kompaniýa emeli süýt hem çykaryp başlar

Beyond Meat kompaniýasy emeli et öndürijileriniň biri hökmünde eýýäm giňden tanalýar. Kompaniýa indi önümçilik gerimini giňeldip, emeli süýt öndürmegi hem ýola goýmakçy bolýar diýip, ferra.ru habar berýär.

Beyond Milk kompaniýasynyň ABŞ-nyň Patent we söwda belligi edarasyna täze söwda belligi boýunça beren arzasy hem munuň şeýledigine şaýatlyk edýär diýip, çeşme belleýär. “The Street”-iň habaryna görä, kompaniýa alnan emeli süýdi süýtli kokteýl we kofe taýýarlamakda ulanmagy teklip edýär.

Täze önümiň has ýönekeý - Beyond Milk diýlip atlandyryljakdygy aýdylýar. Arza seredilmegi üçin bolsa azyndan 3 aý töweregi wagt gerek bolar diýlip garaşylýar.

Iň soňky maglumatlara görä, “Beyond Meat” ösümlik esasly emeli et öndürmekde bazaryň öňüni çekýär. Şeýlelikde, kompaniýa ABŞ-nyň umumy bazarynyň takmynan 13%-ini tutýar diýip, çeşme nygtaýar.