Tokio Olimpiadasynyň nobatdaky gününiň ýeňijileri

  • 04.08.2021 01:39
  • 4.4k+
  • Tokiodaky Olimpiýa oýunlarynyň 11-nji gününde norwegiýaly Karsten Warholm 400 metr aralyga päsgelçilikli ylgamakda 45,94 sekuntda pellehana gelip, dünýä rekordyny täzeledi we altyn medalyň eýesi boldy. Ikinji orny amerikaly Raý Benjamin eýeledi. Bürünç medaly braziliýaly Alison Dos Santos aldy.
  • Malaýka Mihambo uzynlygyna bökmekde Olimpiýa çempiony boldy. Soňky synanyşykda germaniýaly türgen 7 metre bökdi. Kümüş medaly amerikaly Brittni Riz aldy. Bürünç medala bolsa Nigeriýadan Ese Brume mynasyp boldy.
  • Germaniýanyň welosport boýunça zenan ýygyndysy döwletiň hasabyna ýene bir altyn medal goşdy. Toparlaýyn yzarlamak ýaryşynyň finalynda germaniýaly türgenler dünýä rekordyny täzeläp, britaniýalylary yzda galdyrdylar. Bürünç medaly ABŞ-dan türgenler aldy.
  • Wengriýaly Balint Kopas 1 000 metr aralyga bir kürekli baýdarkada küreklemekde altyn medal gazandy. Kümüş medaly onuň watandaşy Adam Wargi aldy. Bürünç medal Portugaliýadan Fernand Pimente degişli boldy.
  • Ýelkenli gaýyk sportunda hem medal ugrunda bäsleşildi. Britaniýaly ýahtaçy türgenler Dilan Fletçer bilen Stýuart Bitell 49-njy FX klasynda Olimpiýa çempionlary boldular. Zenanlaryň arasynda altyn medaly braziliýaly Martina Grael bilen Kaýena Kuns aldy.

Medal sanawynda birinji orunda Hytaý ýerleşýär. Onuň yzyndan ABŞ bilen Ýaponiýa gelýär.


08.07.2025 17:49
15k+

Hytaýly türgen bir elde turnik çekmekde Ginnesiň rekordyny goýdy

Hytaýly türgen Li Szeçuan bir eli bilen minutda 35 gezek turnik çekip, Ginnesiň rekordyny goýdy. Mundan başga-da, ol şol bir wagtda 40 funt (18 kg-dan gowrak) agyrlyk bilen 44 gezek turnik çekip, ýene bir üstünlik gazandy...

21.06.2025 12:22
8.4k+

“Liwerpul” “Baýerden” Florian Wirsi satyn aldy: APL üçin rekord transfer

20-nji iýunda “Liwerpul” Germaniýanyň milli ýygyndysynyň ýarymgoragçysy Florian Wirsi Lewerkuzeniň “Baýerinden” satyn aldy. Transfermarkt portalynyň maglumatlaryna görä, transfer iňlis klubuna 125 mln ýewro düşdi, bu hem Premýer-liganyň taryhynda satyn alnan iň gymmat futbolçy boldy...

16.06.2025 11:05
4.1k+

Arman Dýuplantis şestli bökmekde 12-nji gezek dünýä rekordyny täzeledi

Iki gezek Olimpiýa çempiony Arman Dýuplantis şestli bökmekde täze dünýä rekordyny goýdy. Bu Stokgolmda geçirilen “Brilliant ligasy” tapgyrynda bolup geçdi. Ol ýaryşda 6,00 metr netije bilen ýeňiş gazandy, soňra birinji synanyşykda 6,28 metr beýiklikden geçdi...

15.06.2025 23:00
4.7k+

Norwegiýaly Warholm taryhda ilkinji bolup päsgelçilikli 300 m aralygy 33 sekuntdan tiz ylgap geçdi

Norwegiýaly Karsten Warholm Osloda geçirilen “Bişletdäki oýunlarda” päsgelçilikli 300 metr aralyga ylgamakda dünýä rekordyny goýdy. Ol taryhda ilkinji bolup bu aralygy 33 sekuntdan tiz ylgap geçdi – onuň netijesi 32,67 sekunt boldy...