Italiýanyň milli ýygyndysy Ýewropa çempionaty - 2020-niň 1/8 final tapgyrynda Awstriýanyň milli ýygyndysy bilen duşuşdy. Oýun Londondaky «Uembli» stadionynda geçirilip, italýanlaryň peýdasyna 2:1 hasabynda tamamlandy.
Duşuşygyň esasy wagty deňme-deňlikde tamamlandy. 95-nji minutda italýanlardan Federiko Kýeza hasaby açdy. 10 minutdan soňra Matteo Pessina ikinji goly geçirdi. 114-nji minutda awstriýalylaryň hüjümçisi Saşa Kalaýjik toparynyň ýeke-täk goluny geçirdi.
Şeýlelikde, Italiýanyň milli ýygyndysy Ýewro-2020-niň 1/4 final tapgyryna çykdy. Ol Belgiýa - Portugaliýa jübütiniň ýeňijisi bilen oýnar.
Ýewro-2020-niň çärýek finalyna şeýle hem Daniýa çykdy.
