Ýewropa çempionatynyň pleý-off tapgyryna D topardan birbada üç milli ýygyndy çykdy — Angliýa, Horwatiýa we Çehiýa.
Toparlaýyn tapgyryň jemleýji duşuşygynda Angliýa «Uembli» stadionda Çehiýany kabul etdi. Duşuşyk iňlisleriň peýdasyna 1:0 hasabynda tamamlandy. 12-nji minutda Rahim Sterling gol geçirdi.
Ugurdaş duşuşykda Glazgoda Horwatiýa Şotlandiýa bilen duşuşdy. Oýunda horwatiýalylar 3:1 hasabynda ýeňiş gazandylar. Gollary Nikola Wlaşiç (12), Luka Modriç (62) we Iwan Perişiç (77) geçirdi. Şotlandiýalylardan Kallum Makgregor (42) geçirdi.
Angliýa 7 utuk toplap, birinji orundan pleý-off tapgyryna çykdy. Iňlisler F toparynda ikinji orunda ýerleşjek ýygyndy bilen duşuşmaly bolar (Germaniýa, Portugaliýa, Fransiýa ýa-da Wengriýa).
Horwatlar toparda ikinji orny eýeledi, çehler üçünji orny eýeleseler hem pleý-off tapgyryna çykmagy başardylar. Çünki görkezijileri babatda beýleki toparlaryň üçünji orunlaryndan ýokary.
Şotlandiýa bir utuk bilen dördünji orunda ýerleşip, ýaryşda çykyşyny tamamlady.
