H.Toýçyýew 2018-nji ýylyň agyr atletika boýunça dünýä çempionatynyň bürünç medalyny aldy

  • 30.04.2021 13:05
  • 23k+
H.Toýçyýew 2018-nji ýylyň agyr atletika boýunça dünýä çempionatynyň bürünç medalyny aldy

Türkmenistanly türgen Hojamuhammet Toýçyýew 109 kilograma çenli agram derejesinde 2018-nji ýylda agyr atletika boýunça Dünýä çempionatynyň bürünç medalyna mynasyp boldy. Mälim bolşy ýaly, şol çempionat Aşgabatda geçirilipdi.

Medal türkmen türgenine Daşkendiň «Özbegistan» sport toplumynda geçirilen agyr atletika boýunça Aziýa çempionatynyň çäklerinde gowşuryldy. Ol bu medaly şol agram derejesinde ştangany silterläp götermek boýunça gazandy. Medalyň ozalky eýesi, özbegistanly agyr atletikaçy Rustam Jangibaýew 245 kilogram agyrlygy eýgerip bilipdi. Ýöne ol şol ýaryşda doping serişdesini ulanandygy üçin mynasyp bolan medalyndan mahrum edildi. Şeýlelikde, ol 2019-njy ýylyň 24-nji fewralyndan 2023-nji ýylyň 23-nji fewralyna çenli dört ýyllyk möhlet bilen ähli ýaryşlardan çetleşdirildi.
Halkara agyr atletika federasiýasy bolsa bu agram derejesinde berlen medallary gaýtadan gözden geçirip, silterläp götermek boýunça bürünç medaly 240 kilogram netije görkezen türkmenistanly agyr atletikaçy Hojamuhammet Toýçyýewe berdi.
Mundan ozal şeýle ýagdaý zenanlaryň arasynda 45 kilograma çenli agram derejesinde hem ýüze çykyp, biziň ildeşimiz Ýulduz Jumabaýewa dünýä çempionatynyň altyn medaly gowşurylypdy.

Kümüşden we galyndylardan ýasalan altyn: 2026-njy ýylyň gyşky Olimpiadasynyň ýeňijilerine näme gowşurylar?
düýn 13:33
2.3k+

Kümüşden we galyndylardan ýasalan altyn: 2026-njy ýylyň gyşky Olimpiadasynyň ýeňijilerine näme gowşurylar?

Islendik türgeniň iň uly arzuwlarynyň biri - Olimpiýa oýunlarynyň medalyny gazanmak. Adatça şeýle arzyly medalyň dizaýny ýaryşyň ideýasyny we guramaçy ýurduň medeniýetini şöhlelendirýär. Italiýa bolsa bu ýyl Milandaky we Kortina-d’Ampessodaky 2026-njy ýylyň gyşky Olimpiadasy üçin ýönekeý we nepis konsepsiýany saýlady...

Türkmen hünärmenleriniň ylmy işleri Nýu-Ýorkuň abraýly žurnalynda çap edildi
düýn 12:36
2.1k+

Türkmen hünärmenleriniň ylmy işleri Nýu-Ýorkuň abraýly žurnalynda çap edildi

Türkmen hünärmenleriniň geçiren ylmy barlaglarynyň netijeleri ABŞ-nyň Nýu-Ýork şäherinde neşir edilýän «Annals of Rehabilitation and Regenerative Medicine» atly halkara ylmy žurnalynda çap edildi. Bu makalalar Türkmen döwlet bedenterbiýe we sport institutynyň «Olimp» ylmy-usulyýet merkeziniň alyp baran işleriniň netijeleri esasynda taýýarlandy...

Ronaldu "Al-Nasr" üçin meýdança çykmakdan ýüz dönderýär. Onuň Aşgabada gelmegi sorag astynda
düýn 12:22
14k+

Ronaldu "Al-Nasr" üçin meýdança çykmakdan ýüz dönderýär. Onuň Aşgabada gelmegi sorag astynda

Kriştianu Ronaldu ýene-de üns merkezine düşdi. Ýöne bu gezek gollary bilen däl-de, dörän gapma-garşylyklar sebäpli düşdi. Portugaliýanyň «A Bola» neşiriniň habar bermegine görä, ýyldyz hüjümçi «Al-Nasryň» «Er-Riýad» toparyna garşy geçirjek nobatdaky duşuşygyna gatnaşmazlygy mümkin...

Alkaras Australian Open-iň finalynda Jokowiçi utup, «Karýera tuwulgasynyň» iň ýaş eýesi boldy
01.02.2026 22:16
2.2k+

Alkaras Australian Open-iň finalynda Jokowiçi utup, «Karýera tuwulgasynyň» iň ýaş eýesi boldy

Ispaniýaly Karlos Alkaras möwsümiň ilkinji «Uly tuwulga» ýaryşy bolan Australian Open-iň finalynda serbiýaly Nowak Jokowiçi utdy. Duşuşyk 2:6, 6:2, 6:3, 7:5 hasabynda tamamlandy. Bu ýeňşiniň netijesinde 22 ýaşly Alkaras taryhda «Karýera Uly tuwulgasynyň» iň ýaş eýesi boldy...