UEFA 2020-nji ýyldaky Ýewropa çempionatynyň oýunlaryny Bilbaoda geçirmekden ýüz öwürdi. Degişli maglumat Ispaniýanyň şäher geňeşiniň resmi saýtynda peýda boldy diýip, vprognoze.ru habar berýär.
Bilbaoda Ispaniýanyň Şwesiýa, Polşa we Slowakiýa bilen oýnamaly üç toparlaýyn tapgyr oýny geçirilmelidi. Şeýle-de, ýaryşyň 1/8 finalynyň duşuşygy bolmalydy.
UEFA-nyň ýolbaşçysy Aleksander Çeferin öň Ýewropa çempionatynyň oýunlarynyň boş münberlerde geçmegine ýol bermejekdigini aýtdy. Bilbao soňky pursada çenli ýaryşyň oýunlaryny tomaşaçylaryň gatnaşmagynda gurnap biljekdigine kepillik bermedi.
Bilbaonyň Ýewropa çempionatynyň çärelerini guramak üçin 1,2 mln ýewrodan gowrak sarp edendigi we ýitginiň öweziniň dolunmagy üçin kazyýete ýüz tutmaga taýýarlanýandygy bellenilýär.
Häzirki wagtda Sankt-Peterburg, Amsterdam, Baku, Budapeşt, Buharest, Glazgo, Kopengagen, London we Rim ýaryşyň oýunlaryny tomaşaçylar bilen geçirmäge taýýardyklaryny tassykladylar. Ýewro ýaryşyna Mýunheniň we Dubliniň gatnaşmagy hem sorag astynda galýar.