Londonda BAFTA britan kino baýraklarynyň 74-nji gowşurylyş dabarasy geçirildi. Dabara garaşylyşy ýaly, ýarym wirtual görnüşde geçirildi diýip, cursorinfo.co.il habar berdi.
Baýrak gowşurylyş dabarasynda Hloýa Çžaonyň režissýorlyk eden «Çarwalaryň ýurdy» filmi köp ugurlar boýunça ýeňiji bolmagy başardy. Bu film şu ýyl eýýäm ençeme gezek tankytçylaryň ýokary bahalaryna mynasyp boldy. Şeýlelikde, «Çarwalaryň ýurdy» filmi mundan ozal Halkara Wenesiýa film festiwalynyň, Bostonyň Kino tankytçylary jemgyýetiniň baýraklaryna mynasyp bolupdy, şeýle hem «Altyn globusda» we ýene birnäçe bäsleşiklerde ýeňiji bolupdy. Hut şu film 2020-nji ýylyň iň gowy filmi ugry boýunça Oskar baýragyna mynasyp bolar diýlip garaşylýar.
BAFTA barada aýdylanda bolsa, Entoni Hopkins ("Ata", "The Father") Çadwik Bouzmandan ("Ma Reýni: Blýuzyň enesi", "Ma Rainey: The Blues's Mother") öňe geçip, iň gowy aktýor baýragyny aldy. «Çarwalaryň ýurdy» filmindäki roly üçin Frensis Makdormand iň gowy aktrisa diýlip atlandyryldy.