Çempionlar ligasy: «PSŽ» we «Çelsi» ýarym finala çykdylar

Çempionlar ligasy: «PSŽ» we «Çelsi» ýarym finala çykdylar

Çempionlar ligasynyň çärýek finalynyň jogap duşuşygynda «Pari Sen-Žermen» fransuz kluby öz meýdançasynda «Bawariýadan» 0:1 hasabynda ýeňildi.
Duşuşykda ýeke-täk pökgini 40-njy minutda Erik Şupo-Moting geçirdi. Bu klublaryň arasyndaky birinji duşuşyk 3:2 hasabynda tamamlanypdy. Şeýlelikde myhmançylykda geçirilen gollaryň agdyklyk etmegi netijesinde ýaryşyň ýarym final tapgyryna «PSŽ» çykdy.

Çempionlar ligasynyň beýleki duşuşygynda «Çelsi» öz meýdançasynda «Portudan» 0:1 hasabynda ýeňildi. Emma bir hepde mundan öň, myhmançylykda gazanan ýeňşiniň hasabyna ýarym finala çykdy.
Duşuşykda ýeke-täk goly 94-nji minutda Mehdi Taremi geçirdi.
Bu klublaryň arasyndaky birinji duşuşyk «Çelsiniň» hasabyna 2:0 bilen tamamlanypdy. 
1/2 final tapgyrynda «Çelsi» «Real» — «Liwerpul» jübütiniň ýeňijisi bilen duşuşar.
Çempionlar ligasynyň ýarym final tapgyrynyň ilkinji duşuşyklary 27-28-nji aprelde, jogap oýunlar 4-5-nji maýda geçiriler.