Mançesteriň “Etihad” stadionynda Angliýanyň Premýer-ligasynyň 26-njy tapgyrynyň “Mançester Siti” – “West Hem Ýunaýted” duşuşygy geçirildi. Hosep Gwardiolanyň şägirtleri 2:1 hasabynda ýeňiş gazandy.
Bu ýeňiş ähli ýaryşlary göz öňünde tutanyňda, “Mançester Siti” üçin yzygider 20-nji ýeňiş boldy we bu toparyň taryhynda iň gowy tapgyrdyr.
Opta Sport kompaniýasynyň habar bermegine görä, “Mançester Sitiniň” “West Hemi” ýeňmegi Hosep Gwardiolanyň ähli ýaryşlarda baş tälimçi hökmünde 500-nji ýeňşini (“Barselona” – 179 ýeňiş, “Bawariýa” – 121, “Mançester Siti” – 200) gazanmagyna getirdi diýip, championat.com belleýär.
“Mançester Siti” 26 oýunda 62 utuk toplap, 2020/2021-möwsüminde Angliýanyň Premýer-ligasynyň turnir sanawynda birinji orny eýeleýär. “West Hem Ýunaýted” (45) – dördünji orunda ýerleşýär. “Mançester Sitiniň” esasy bäsdeşleri – “Mançester Ýunaýted” we “Lester Siti” – bularyň hersinde 49 utuk bar.
