Ýewropanyň futbol assosiasiýalarynyň birleşigi (UEFA) Çempionlar ligasynyň 1/8 final tapgyrynyň «Atletiko» bilen «Çelsi» klublarynyň arasyndaky birinji duşuşygyny Madridden Buharest şäherine geçirdi. Bu barada guramanyň resmi saýtynda habar berilýär.
«Atletiko» — «Çelsi» duşuşygy 23-nji fewrala meýilleşdirildi. Jogap oýny 17-nji martda Londonda geçirilmeli.
Mundan öň, UEFA Çempionlar ligasynyň 1/8 final tapgyrynyň iňlis klublary gatnaşýan iki duşuşygyny başga şähere geçiripdi. 16-njy fewrala meýilleşdirilen «Leýpsig» — «Liwerpul» duşuşygy Budapeştde geçiriler. Şeýle hem 24-nji fewralda Wengriýanyň paýtagtynda Mönhengladbahyň «Borussiýasy» «Mançester Siti» bilen duşuşar.
UEFA-nyň düzgünlerine laýyklykda, bu hili ýagdaýda «Borussiýa», «Leýpsig» we «Atletiko» duşuşygy geçirmegiň mümkin bolan başga bir ýoluny teklip etmeli. Eger şeýle edilmese, onda ol klublara 0:3 hasabynda tehniki ýeňliş yglan edilmeli.