Pars aýlagy demir ýol arkaly Hazar deňzine birikdiriler

Pars aýlagy demir ýol arkaly Hazar deňzine birikdiriler

Eýranyň demirgazygyndaky Gilan welaýatynda Reşt-Enzeli demir ýoly işe girizilenden soň, Pars aýlagy demir ýol arkaly Hazar deňzine birikdiriler.

Duşenbe güni Trendiň habar berşi ýaly, bu barada Eýranyň gurluşyk we ulag infrastrukturasyny ösdürmek boýunça kompaniýasynyň müdiriniň orunbasary Abbas Hatibi "Fars" habar gullugyna aýtdy.
Onuň sözlerine görä, Reşt şäherinden Hazaryň Enzeli şäherindäki portuna çenli ýoluň uzynlygy 37 kilometre barabardyr.

“Ýoluň gurluşygyna 22,9 trillion rial (takmynan, 545 million dollar) maýa goýuldy we eýýäm işiň dörtden bir bölegi tamamlandy. Ýene dört trillion rial (takmynan, 95,2 million dollar) maýa goýlandan soň, bu ýol 2021-nji ýylyň  ikinji aýynda (21-nji aprel - 1-nji maý) ulanyşa berler"-diýip, Hatibi aýtdy.

Direktoryň orunbasary, umuman alanyňda, häzirki wagtda Eýranda dolandyrylýan demir ýollaryň umumy uzynlygy 13,9 müň kilometre barabardygyny, ýene 3,35 müň kilometre çenli gurluşygyň we uzynlygy 6.31 müň kilometre barabar demir ýollaryň gurluşygy boýunça gözlegleriň geçirilýändigini belledi.