Russiýada koronawirusa garşy köpçülikleýin sanjym 2021-nji ýylyň ýanwarynda başlap biler

Russiýada koronawirusa garşy köpçülikleýin sanjym 2021-nji ýylyň ýanwarynda başlap biler

Russiýada koronawirusa garşy köpçülikleýin sanjym 2021-nji ýylyň ýanwar-fewral aýlarynda başlap biler diýip, Gamalei merkeziniň ýolbaşçysy Aleksandr Ginsburg aýtdy. Bu barada gazeta.ru habar berýär.

Ginsburgyň aýtmagyna görä, şol wagta çenli “Sputnik V” derman serişdesiniň önümçiligini aýda 5-6 mln doza çenli artdyrmak meýilleşdirilýär.
Ginsburg häzirki wagtda lukmanlara we mugallymlara COVID-19-a garşy sanjymyň edilýändigini belledi. Ýanwar aýyna çenli kärine garamazdan russiýalylaryň ählisine sanjym edilip başlanar.
Ozal wise-premýer Tatýana Golikowa Russiýanyň ýylyň ahyryna çenli “Sputnik V” sanjymyň 2 mln dozasyny öndürmegi, indiki ýylyň aprel aýyndan bolsa aýda 6 mln doza çenli çykarmagy meýilleşdirýändigini habar berdi. “Sputnik V” sanjymynyň bellige alnyşdan soňky synaglary 2021-nji ýylyň maý ýa-da iýun aýynda tamamlanar.
Ýatlap geçsek, “Sputnik V-niň” Russiýada kliniki synaglarynyň üçünji tapgyrynyň birinji aralyk derňewiniň jemi boýunça täsirliligi 92% boldy.
Soňky maglumatlar boýunça, Russiýada 1,84 mln koronawirus ýagdaýy hasaba alyndy, 1,37 mln adam sagaldy, 31,5 müň adam ýogaldy.