Germaniýanyň Bundesligasynyň 7-nji tapgyrynda geçirilen oýunda "Bawariýa" Dortmundyň "Borussiýasyny" güýçli oýun bilen ýeňmegi başardy. Duşuşyk Dortmuntdaky “Signal Iduna Park” stadionynda geçirildi we myhmanlaryň peýdasyna 3:2 hasabynda tamamlandy.
Oýunda hasaby birinji ýarymyň 45-nji minudynda "Borussiýanyň" oýunçysy Marko Roýs açdy. Şeýle-de bolsa, birinji ýaryma goşulan wagtyň dördünji minudynda Dawid Alaba hasaby deňledi.
Ikinji ýarymda Robert Lewandowski toparyny öňe çykardy. Mýunhenli toparyň üçünji pökgüsini Lewandowskiniň golundan soň, Leroý Zane tora girizdi. Şondan üç minut soň dortmundly ýaş hüjümçisi Erling Holand bir pökgi geçirdi.
Duşuşygyň ahyrynda Lewandowski ikinji pökgüsini tora girizdi, ýöne oýundan daşary ýagdaý — ofsaýd sebäpli gol hasaba alynmady.
15 utuk bilen "Borussiýa" Bundesligada ikinji orny eýeleýär. "Bawariýa" bolsa 18 utuk bilen birinji orunda barýar.