"Mançester Ýunaýtediň" hüjümçisi Markus Reşford Çempionlar ligasynyň toparçalaýyn tapgyrynyň ikinji aýlawynda "Leýpsigiň" öýünde myhmançylykda bir oýunda 3 gol geçirip, het-trik etdi. Onuň geçiren gollary ýaryşyň taryhynda ätiýaçdan meýdança çykanlaryň arasyndaky iň çalt het-trik boldy. Bu barada Opta Sporta salgylanyp, championat.com habar berýär.
Markus Reşford oýna 63-nji minutda ätiýaçdan girdi we gollary 74-nji, 78-nji hem-de 92-nji minutlarda geçirdi. Hüjümçä üç pökgi geçirmek üçin bary-ýogy 27 minut gerek boldy.
Reşford bu täze rekordy bilen "PSG"-niň hüjümçisi Kilian Mbappe-den öňe geçdi. Çempionlar ligasynda ätiýaçdan oýna girip het-trik etmek üçin oňa 38 minut gerek bolupdy.