iPhone 12-niň tanyşdyryljak senesi belli boldy

iPhone 12-niň tanyşdyryljak senesi belli boldy

Täze iPhone 12 smartfonlarynyň tanyşdyrylyş dabarasy 15-nji sentýabrda Aşgabat wagty bilen sagat 22:00-da bolar. "Apple" muny resmi taýdan yglan etdi. Dabara koronawirus pandemiýasy sebäpli bütinleý onlaýn ýagdaýda geçiriler.

Esasy täzelik smartfonlaryň täze ugry bolar, emma “Apple” täze Apple Watch Series 6 akylly sagatlaryny, barmak yzy skanerli täzelenen iPad Air planşetini, “iOS 14” operasion ulgamynyň täze wersiýasyny we beýleki täzelikleri hem hödürlär.
Habar beriş serişdeleri bu ýyl kompaniýa täze nesil smartfonynyň birbada dört modelini - 5,4 dýuým ekranly iň arzan we iň kiçi iPhone 12-den başlap, 6,7 dýuýmlyk iň uly 12 Pro Max-a çenli öndürer diýip çaklaýarlar.
Tanyşdyryş dabarasy baradaky maglumatlar eýýäm “Apple”-iň wakalar sahypasynda ýerleşdirildi.