Iňlisler iň gowy Jeýms Bondy saýladylar

Iňlisler iň gowy Jeýms Bondy saýladylar

«Radio Times» iňlis neşiri nobatdaky pikir soraşmasyny geçirdi. Onuň maksady iňlis ýazyjysy Ýan Fleming tarapyndan döredilen “agent 007-niň” keşbini janlandyran aktýorlaryň haýsysyny Angliýada häzirki zaman tomaşaçylarynyň has köp halanýandygyny anyklamakdan ybarat boldy. Bu barada rg.ru habar berdi.

Ses berişlige jemi on dört müň adam gatnaşdy. Ses bermeklik birnäçe tapgyra bölündi. Birinji tapgyrda Şon Konneri, ikinji tapgyrda Pirs Brosnan, üçünji tapgyrda bolsa Timoti Dalton öňe saýlandy. Iň görnükli üç Jeýms Bonds anyklanandan soň, ses berişligiň jemleýji tapgyry başlandy. Sesler aşakdaky ýaly paýlandy: Brosnan sesleriň 23 göterimini, Dalton 32 göterimini aldy, galan 45 göterimini bolsa Şon Konneri gazandy.
Meşhur “agent 007”-niň keşbini şu wagta çenli alty aktýor ýerine ýetirdi: Şon Konneri, Jorj Lazenbi, Rojer Mur, Timoti Dalton, Pirs Brosnan we Deniel Kreýg. Bu hormatly wezipäni Kreýgden soň kimiň tutjakdygy baradaky sorag, Bonduň muşdaklary az gyzyklandyrmaýar.