Dünýä belli ispan aktýory Antonio Banderas koronawirus bilen keselledi. Ol muny 10-njy awgustda - özüniň 60 ýaş ýubileýi güni "Twitterde" mälim etdi diýip, Lenta.ru habar berýär.
"Şu gün, 10-njy awgustda, COVID-19 barlagymyň položitel netijesi bilen, 60 ýaşymy karantinde bellemeli bolýandygymy mälim etmek isleýärin" -diýip, Banderas belledi. Şeýle hem ol özüni birneme gowy duýýandygyny, ýöne az-owlak ýadawdygyny mälim etdi.
Banderas karantin döwrüni "okamak, ýazmak, dynç almak we meýilnamalary düzmek" üçin peýdalanjakdygyny aýtdy.
Ýadymyzda bolsa, Banderas 2017-nji ýylda Angliýada mahaly infarkt geçirip, gyssagly ýagdaýda hassahana ýerleşdirilipdi. Ol, esasan, “Näumyt”, “13-nji urşujy”, “Zorronyň maskasy”, “Zorronyň rowaýaty” filmleri, şeýle hem Pedro Almodowaryň režissýorlyk eden “Öz ýaşaýan derim", "Agyry we şöhrat” kartinalary bilen tanalýar.