Nurmagomedowyň menejeri: «Habib we Konoryň rewanşy diňe köçede geçirilip bilner»

  • 10.02.2020 22:02
  • 8.8k+

UFC-niň ýeňil agram boýunça çempiony Habib Nurmagomedowyň menejeri Ali Abdel-Aziz irlandiýaly Konor Makgregor bilen nähili ýagdaýda rewanşyň bolup biljekdigi barada gürrüň berdi.
— Göreş diňe köçede gurnalan ýagdaýynda geçirilip bilner. Makgregor üýtgeşik bir tomaşa gurnamaly bolar. Siz onuň kimdigini bilýärsiňizmi? Konor Makgregor iň zabun adamlaryň biri bolany üçin, iň uly «ýyldyzlaryň» biri.
— Geliň, hakykatyň ýüzüne seredeliň. Bu ýigit bize ýaranok. Ol hiç haçanam bize ýaramaz. Biz oňa her gezek duşan wagtymyz, nähilidir bir mesele döräp başlaýar. Ol maşgala, din we jyns barada nämedir bir zatlar diýýär. Ol çäkden geçýär, Habib bilen bolsa beýle bolmak bolmaýar.
— Eger-de Habib Konor bilen uruşsa, onda Habibiň puly örän köp bolar. Ýöne ähli zat pulda jemlenenok ahyryn – diýip, Abdel-Aziz aýdýar.
Ýatladyp geçsek, Konor bilen Habibiň göreşi 2018-nji ýylyň oktýabrynda boldy, onda rus göreşijisi üstün çykyp, çempionlyk titulyny gorady.
Bu ýeňlişden soň Konor oktagona bir ýyldan gowrak wagt çykmady, 2020-nji ýylyň ýanwarynda bolsa ol dolandy we 40 sekundyň içinde amerikaly Donald Serronäni nokauta gidirip, ýeňiş gazandy.
Habibiň Toni Fergýusona garşy göreşi 19-njy aprelde UFC 249 turnirinde geçer. Rus göreşijisiniň hasabynda 28 ýeňiş bar. Makgregoryň hasabynda 22 ýeňiş, 4 gezek ýeňliş bar.

şu gün 21:35
756

Mundo Deportivo: "Barselona" transfer maksatlaryny kesgitledi: gysga sanawda — Keýn, Holland we Alwares

"Barselona" tomusky transfer penjiresi üçin ileri tutulýan oýunçylaryň sanawyny düzdi diýip, Mundo Deportivo habar berýär. Neşiriň maglumatyna görä, toparyň baş tälimçisi Hans-Diter Flik sport direktory Deku we sport komitetiniň beýleki agzalary bilen bilelikde güýçlendirmek üçin esasy pozisiýalary – çep aýakly merkezi goragçyny, wingeri (ganat hüjümçini) we merkezi hüjümçini kesgitlediler...

şu gün 18:52
1.6k+

“Inter Maýami” Messi bilen MLS Kubogynyň finalyna çykdy we birnäçe rekord goýdy

30-njy noýabrda irden (Aşgabat wagty bilen) “Inter Maýami” MLS Kubogynyň pleý-offunyň ýarym finalynda “Nýu-Ýork Sitini” uly hasap bilen utdy. Fort-Loderdeýldäki oýun 5:1 hasabynda tamamlandy. Bu oýun şol bir wagtyň özünde MLS-iň Gündogar konferensiýasy 2025-iň finaly boldy...

şu gün 10:36
1.6k+

ABŞ-da 2034-nji ýylda Ýutada geçiriljek Gyşky Olimpiýa Oýunlarynyň logotipi görkezildi

2034-nji ýylda Ýutada geçiriljek Gyşky Olimpiýa oýunlarynyň Guramaçylyk komiteti wagtlaýyn logotipi görkezdi. Bu logotip ABŞ-nyň hökümeti ünsüni 2028-nji ýylyň Olimpiýa oýunlaryndan 2034-nji ýylyň Oýunlaryna taýýarlyk görmäge doly gönükdirýänçä, 2029-njy ýyla çenli ulanylar...

şu gün 10:29
2.9k+

Bred Pitt we F1-iň sürüjisi Rassel Mercedes-Benz-iň täze ulagynyň mahabatynda düşdüler

Aktýor Bred Pitt we "Formula 1-iň" sürüjisi Jorj Rassel Mercedes-AMG GT 4-Door awtoulagynyň täze elektrik wersiýasynyň mahabat kampaniýasynda surata düşdüler. Surata düşüriş işleri Las-Wegasda geçirildi, onda Mercedes-Benz geçen hepde üsti örtükli prototipini görkezdi...