Marokkoda 2026-njy ýylyň Afrika milletleriniň kubogy ýaryşy tamamlandy. Senegalyň milli ýygyndysy öz taryhynda ikinji gezek ýaryşyň ýeňijisi boldy. Ýaryşyň netijesi boýunça Halkara futbol federasiýasy (FIFA) has tapawutlanan oýunçylara aýratyn baýraklary gowşurdy.
Afrika milletleriniň kubogynyň iň gowy oýunçysy Senegalyň milli ýygyndysynyň wingeri Sadio Mane boldy. Saud «Al-Nasrynda» oýnaýan 33 ýaşly futbolçy ýedi oýna gatnaşyp, iki gol geçirdi we iki assist etdi.
Iň gowy derwezeban üçin baýragy Marokkonyň milli ýygyndysynyň 34 ýaşly derwezebany Ýassin Bunu aldy. Ol ýaryşyň ýedi oýnunyň ählisine gatnaşyp, diňe iki goly sypdyrdy, bäş duşuşykda bolsa derwezäni goramagy başardy. Şeýle-de, Bunu oýundan soňky bir penalti tapgyryny utdy.
Ýaryşyň iň gowy bombardiri adyny Marokkonyň milli ýygyndysynyň hüjümçi ýarymgoragçysy Braim Dias aldy. Onuň hasabynda ýedi oýunda bäş gol bar. Dias final oýnunyň ahyrynda Panenka stilinde derwezäniň merkezine depip, penalti goluny geçirip bilmedi. Senegally derwezeban topy aňsatlyk bilen tutdy.
FIFA Afrikanyň Kubogy – 2026-nyň jemi boýunça aýratyn feýr-pleý baýragyny Marokkonyň milli ýygyndysyna berdi.
