95 ýaşly amerikaly dünýäde iň garry awtobus sürüjisi diýlip ykrar edildi

  • şu gün 09:15
  • 813

Tehasyň 95 ýaşly ýaşaýjysy dünýäde iň garry awtobus sürüjisi diýlip ykrar edildi. Onuň üstünligi Ginnesiň rekordlar kitabynda bellendi. Ol işlemegini dowam etdirýär we entek pensiýa çykmagy meýilleşdirmeýär diýip, The Guardian habar berýär.

Uiçito-Fols şäheriniň (Tehas ştaty) ýaşaýjysy Reýmond Heýger 18-nji noýabrda 95 ýaşyny belledi. Bu dabara onuň resmi taýdan Ginnesiň rekordlar kitabyndan şahadatnama almagy üçin hem sebäp boldy.
Şäher ýolbaşçylary bilen duşuşykda Heýger sürmäge bolan söýgüsiniň ýaşlykda başlandygyny aýtdy. Ol 14 ýaşynda fermada maşgalasyna kömek edip başlady, pagtany gaýtadan işleýän zawodlara daşady we sürüjilik işi şol wagt onuň göwnünden turdy. Ol şäher awtobuslaryny 1998-nji ýyldan bäri dolandyrýar. Heýger ruluň başynda bolmagy we ýolagçylar bilen gürleşmegi halaýandygyny aýdýar. Ol aýda bir gezek lukmançylyk barlagyndan geçýär we lukman onuň işlemegini dowam etdirmek üçin sagdyndygyny tassyklaýar.
Uiçito-Folsuň häkimi Tim Şort Heýgeriň maksada okgunlylygyň we gujurlylygyň mysalyna öwrülendigini aýtdy. Ol sürüjiniň ýaşynyň çäklendirme hökmünde däl-de, tejribäniň we parasatlylygyň alamaty hökmünde kabul edilýändigini belledi. Şol gün ýolbaşçylar onuň doglan gününi “Reýmond Heýgeriň güni” diýip yglan etdi.
Heýgeriň wakasy ABŞ-da gürrüňlere sebäp boldy. Bu ýerde köp adamlar pensiýa ýaşyna ýetenden soň hem işlemegini dowam etdirýär. Olar ýaşaýyş bahasynyň ýokarlanmagy ýa-da üýşürilen puluň bolmazlygy sebäpli öz kärinde meýilleşdirilenden uzak galmaly bolýar. 


düýn 23:12
5.5k+

San-Diegoda iki jahan urşuny başdan geçiren 141 ýaşly pyşbaga Ene bilen hoşlaşyldy

San-Diego haýwanat bagynyň iň garry ýaşaýjysy, 141 ýaşly Ene (Gramma) atly galapagos pyşbagasy aradan çykdy. Haýwanat bagynyň işgärleri süňk keseli sebäpli ony uka gidirmeli boldy. CNN-iň habar bermegine görä, ewtanaziýa baradaky çözgüt jandaryň ýaş bilen bagly başdan geçirýän azaplary sebäpli kabul edildi...

26.11.2025 10:02
2.2k+

The Weeknd “After Hours Til Dawn” konsert syýahatyndan 1 mlrd dollardan gowrak gazanyp, rekord goýdy

The Weeknd rekord goýmagyny dowam etdirýär: onuň dünýä boýunça After Hours Til Dawn konsert syýahaty erkek solo aýdymçylarynyň arasynda taryhda iň girdejili syýahat boldy. 2022-nji ýylda başlany bäri konsert syýahaty Demirgazyk Amerikada (iki gezek), Ýewropada, Beýik Britaniýada, Latyn Amerikasynda we Awstraliýada geçdi...

24.11.2025 12:05
2.4k+

Supermen baradaky ilkinji komiks rekord 9,12 mln dollara satyldy

1939-njy ýylda çykan “Supermen” komiksiniň ilkinji sanynyň asyl nusgasy auksionda 9,12 mln dollara satyldy. NBC News-iň habar bermegine görä, bu komiks bazary üçin hakyky rekord boldy. Uzak wagtlap bu nusga ýitirilen diýlip hasaplanypdy: ol köp ýyllap Demirgazyk Kaliforniýadaky bir öýüň üçeginde gutuda saklanypdyr...

23.11.2025 21:08
6.4k+

100 ýaşdan uly 150 awstraliýaly Ginnesiň rekordyny goýdy

Awstraliýada uzak ýaşan ýaşaýjylaryň iň uly ýygnanyşygy boldy: ýurduň 100 we ondan uly ýaşly 150 ýaşaýjysy baýramçylyk saçagynyň başynda duşuşdy. Olaryň umumy ýaşy 15 müň ýyldan geçdi. Bu dabara Ginnesiň rekordlar kitabynda hasaba alyndy...