Hindistanda ýerli bazarda iň meşhur modelleriň biri bolan täze Hyundai Venue ykjam krossoweri üçin sargyt kabul edilip başlandy.
Täze Hyundai Venue täzelenen dizaýna we gaýtadan işlenen salona eýe boldy. Içinde iki sany 12 dýuýmlyk ekran oturdyldy, ýolagçylar üçin giňişlik artdyryldy – ikinji hatarda aýak üçin aralyga 2 sm goşuldy. Yzky oturgyçlary indi arka ýerini egme boýunça sazlap bolýar, sürüjiniň oturgyjynda dört ugurly elektropriwod bar. Rulda Hyundai logotipi ýok: onuň deregine Morze elipbiýi boýunça “H” harpy aňladýan dört nokat bar.
Krossoweriň göwrümi 3995 х 1800 х 1665 mm, tigir bazasy 2520 mm bolup, bu adaty wersiýadan 20 mm uludyr.
Awtomobil üç hereketlendiriji bilen hödürlenýär: 83 at güýjüni berýän 1,2 litrlik benzin, 120 a.g. kuwwatly 1,0 litrlik turbo benzin we 100 a.g. kuwwatly 1,5 litrlik dizel. Benzin hereketlendirijisini mehaniki hereket gutusy ýa-da “robot” bilen bilelikde ulanyp bolýar, dizel hereketlendirijisi bolsa awtomatik transmissiýa bilen işleýär.
Täze Venue-nyň mahabat kampaniýasyna Hyundai India brendiniň ýüzi, bolliwudly aktrisa we model Dipika Padukone gatnaşdy.
Awtoulag üçin deslapky sargyt 25 müň rupiýa (takmynan, 285 dollar) durýar, satuw 4-nji noýabrda başlar.
