Ýakyn ýyllarda Angliýada ýaşaýyş jaýlarynyň ýetmezçilik etmek meselesini çözmek üçin 12 sany täze şäher gurmak meýilleşdirilýär. Bu barada Beýik Britaniýanyň premýer-ministri Kir Starmer Leýboristik partiýanyň maslahatynda aýtdy. Onuň sözlerine görä, ilkinji üç şäheriň gurluşygy indiki saýlawlara çenli başlar diýip, Daily Mail ýazýar.
Täze şäherleriň döredilmegi leýboristleriň elýeterli ýaşaýyş jaýlary bilen üpjün etmek boýunça maksatnamasyna girýär. Ozal dolandyryjy partiýa 2029-njy ýyla çenli 1,5 mln täze jaý gurmagy wada berdi. Taslamany taýýarlamak üçin bir ýyl ozal New Towns Taskforce iş topary döredildi. Öz çykyşynda Starmer onuň hasabatynyň netijelerine salgylandy.
Hökümet saýtynda ýerleşdirilen meýilnamalara görä, täze şäherleriň her birinde azyndan 10 müň jaý bolmaly. Ýaşaýyň jaýlarynyň 40%-i elýeterli jaýlar bolar, onuň ýarysy bolsa sosial jaýlar hökmünde gurlar.
Geljekki şäherler üçin ýerler Angliýanyň dürli sebitlerinde saýlandy. Esasy ýerler hökmünde Bedfordşir, Lids we Londonyň demirgazyk töwerekleri göz öňünde tutulýar.
