US Open-iň final oýnunda dünýäniň birinji raketkasy Ýannik Sinner bilen ATP reýtinginde ikinji orny eýeleýän ispaniýaly Karlos Alkaras duşuşar. Bu olaryň şu möwsümde “Uly tuwulga” ýaryşlarynda yzygider üçünji finaly bolar we onda diňe ABŞ-nyň Açyk çempionatynyň çempiony däl, eýsem dünýäniň birinji raketkasy-da kesgitlener.
Ýarym finalda Alkaras Nowak Jokowiçi 6:4, 7:6 (7:4), 6:2 hasabynda utdy. Oýun 2 sagat 26 minut dowam etdi. Alkaras agressiw we durnukly hereket edip, Jokowiçe hatda bir setde-de utmaga mümkinçilik bermedi. Serbiýaly türgen egni bilen bagly näsazlyk sebäpli lukmançylyk arakesmesini aldy we ähli tagallalaryna garamazdan, garşydaşyndan üstün gelip bilmedi. Ýöne Jokowiç bilen şahsy duşuşyklarda Alkaras 4:5 hasabynda yza galýar.
Sinner ýarym finalda Feliks Ože-Alýassim bilen duşuşdy we dört setde utdy – 6:1, 3:6, 6:3, 6:4. Oýun 3 sagat 19 minut dowam etdi.
22 ýaşly Alkarasyň “Uly tuwulga” ýaryşlarynda bäş tituly, şol sanda 2022-nji ýylda US Open-de ýeňşi bar.
24 ýaşly Sinner ozal iki gezek Australin Open-de (2024, 2025), US Open-de (2024) we “Wimbledonda” (2025) ýeňiş gazandy.
Ozal olar iki gezek finalda duşuşdy – “Rolan Garrosda” Alkaras, “Uimbledonda” bolsa Sinner utupdy.
Final 7-nji sentýabrda Artur Eş kortunda Aşgabat wagty bilen 23:00-da bolar. Ýaryşyň umumy baýrak gaznasy 90 mln dollara barabar.
