Programmist Jemal Isaak açyk kodly «WikiTok» platformasyny işläp düzdi. Ol erkin ensiklopediýa «Wikipediýa» bilen TikTok sosial torunyň elementlerini birleşdirýär.
Lentany islendik enjamdan doly mugt görüp bolýar. Belliklerde sitatalar, suratlar we Wikipediýadaky makalalaryň doly salgylary bar.
Isaakyň aýtmagyna görä, ol bu platformany X sosial torundaky ulanyjylaryň haýyşlaryndan soň döredipdir. Häzirki wagtda taslamanyň mümkinçilikleri çäkli. Häzirlikçe bar bolan bary-ýogy 14 dilden birini saýlap bolýar. Ulanyjylara halan maglumatlaryny salgylanmany göçürmezden hem paýlaşyp bilýärler. Lenta çalt açylar ýaly, tutuş mazmuny öňünden ýükleýär.
Taslamanyň esasy kodlary TypeScript programmirleme dilinde ýazylan we işläp düzüjiniň aýtmagyna görä, ol gaty ýönekeý. Taslama GitHub-da MIT ygtyýarnamasy bilen neşir edildi. Demo görnüşi bolsa wikitok.vercel.app web sahypasynda ýerleşdirildi.
