75-nji Berlin kinofestiwalynyň tertibi yglan edildi

  • 23.01.2025 14:37
  • 1.4k+

21-nji ýanwarda dünýäniň iň abraýly kinofestiwallarynyň biri bolan 75-nji Berlin halkara kinofestiwalynyň tertibi yglan edildi.

Esasy sanawa 19 film girdi. Şu ýyl bäsdeşleriň saýlanmagyna festiwalyň täze ýolbaşçysy Trişa Tattl jogapkär boldy. Ol öň BFI London kinofestiwalyna ýolbaşçylyk edipdi.
Emin agzalarynyň başlygy amerikaly režissýor Todd Heýns (“Kerol”) boldy.
Berlinale germaniýaly režissýor Tom Tykweriň “Yşyk” (Свет) dramasy bilen açylar. Film bäsleşik meýilnamasyndan daşary görkeziler.
Täze atlardan başga-da, baýrak üçin dalaşgärleriň sanawyna Radu Žude (“Kontinental '25”), Hon San-su (“Tebigat saňa näme diýýär”/ What Does that Nature Say to You”), Mişel Franko (“Düýşler”/Dreams) we Riçard Linkleýter (“Mawy Aý”/Blue Moon) ýaly ykrar edilen ussatlaryň hem täze eserleri girdi.
Special meýilnamasynda Pon Jun-honyň “Mikki 17” (Микки 17) filminiň we Jastin Kurzeliň “Uzak demirgazyga tarap darajyk ýol” (Узкая дорога на дальний север) serialynyň görkezilişi hem bolar.
Berlin kinofestiwaly 13-nji fewraldan 23-nji fewral aralygynda geçiriler.


şu gün 19:22
215

“Lilo we Stiç” 2025-nji ýylyň 1 mlrd kassa ýygymyna ýeten ilkinji golliwud filmi boldy

“Lilo we Stiç” multfilminiň kinoremeýki dünýä prokatynda 1 mlrd dollar ýygnap, 2025-nji ýylda şeýle netijä ýeten ilkinji golliwud filmi boldy. Variety neşiriniň habar bermegine görä, film Demirgazyk Amerikada 416 mln dollar we halkara bazarlarynda 584 mln dollar gazandy...

düýn 17:34
2k+

“Emmi-2025” baýragyna dalaşgärler yglan edildi

77-nji “Emmi” telewizion baýragynyň guramaçylary 2025-nji ýylda baýraga dalaşgärleri yglan etdi. Bu barada Variety habar berýär. Iň köp nominasiýany “Bölünişik” (Разделение, 27) we “Kinostudiýa” (23) seriallary aldy...

düýn 17:25
2.4k+

HBO "Biziň iň soňkymyz" serialynyň üçünji möwsüminiň 2027-nji ýylda çykjakdygyny tassyklady

HBO-nyň we HBO Max-yň kontent boýunça ýolbaşçysy Keýsi Bloýs The Last of Us (“Biziň iň soňkymyz”) serialynyň üçünji möwsüminiň 2027-nji ýylda çykjakdygyny habar berdi. Bu täze möwsümiň çykjak senesiniň ilkinji resmi tassyklamasy boldy diýip, Variety habar berýär...

16.07.2025 17:43
3.7k+

“Aždarhany nädip eldekileşdirmeli” kinoremeýki onlaýn çykdy

“Aždarhany nädip eldekileşdirmeli” (Как приручить дракона) filmi kinoteatrlarda görkezilip başlanandan bir ýarym aý soň onlaýn görnüşde çykdy. Film öz taýpasy wikingleriň aždarhalar bilen tükeniksiz söweşinden ýadan ýetginjek Ikkingiň (Hiccup) wakasyny gürrüň berýär...